आजचा दिवस: राशिभविष्य

आजचा दिवस

शके १९४६, क्रोधीनाम संवत्सर, फाल्गुन शुक्ल द्वितीया, शनिवार, दि. १ मार्च २०२५, चंद्र – मीन राशीत, नक्षत्र – पूर्वा भाद्रपदा स. ११ वा. २३ मि. पर्यंत नंतर उत्तराभाद्रपदा, सुर्योदय- सकाळी ०६ वा. ५९ मि. , सुर्यास्त- सायं. १८ वा. ४३ मि.

नमस्कार आज चंद्र मीन राशीत रहाणार आहे. आजचा दिवस चांगला दिवस आहे. आज चंद्र – बुध युतियोग होत आहे. आजचा दिवस वृषभ, मिथुन, कर्क, कन्या, वृश्चिक, धनु, मकर, कुंभ व मीन या राशींना अनुकूल तर मेष, सिंह व तुला या राशींना प्रतिकूल जाईल.

दैनंदिन राशिभविष्य

मेष : काहींना आरोग्याच्या तक्रारी जाणवणार आहेत. मनोरंजनाकडे कल राहील. काहींची मात्र आध्यात्मिक प्रगती होणार आहे. धार्मिक कार्यात सहभागी होण्याची संधी लाभेल.

वृषभ : प्रवास सुखकर होतील. व्यवसायातील तुमचे अंदाज योग्य ठरणार आहेत. जुन्या आठवणींना उजाळा देवू शकाल. मनोबल उत्तम राहील. प्रियजनांच्या गाठीभेटी पडतील.

मिथुन : सार्वजनिक कार्यात मानसन्मान वाढेल. प्रतिष्ठा लाभणार आहे. वरिष्ठांचे सहकार्य लाभेल. मानसिक प्रसन्नता लाभणार आहे. आनंदी व आशावादीपणे कार्यरत राहणार आहात.

कर्क : मनोबल व जिद्द वाढेल. आत्मविश्‍वासपूर्वक कामे मार्गी लावाल. प्रवास सुखकर होणार आहेत. नातेवाईकांकडे असणारी कामे पूर्ण होणार आहेत. अनेकांचे सहकार्य लाभेल.

सिंह : आरोग्य जपावे. प्रवासाचा ताण संभवतो. एखादी मनस्तापदायक घटना संभवते. महत्त्वाची कामे आज नकोत. काहींना अनपेक्षित अडचणींचा सामना करावा लागणार आहे.

कन्या : मनोबल उत्तम असणार आहे. दैनंदिन कामात सुयश लाभेल. भागीदारी व्यवहारात सुयश लाभेल. अनेकांबरोबर सुसंवाद साधाल. तुमचा इतरांवर प्रभाव राहील.

तुळ : काहींना प्रकृतीच्या तक्रारी जाणवतील. कामामध्ये लक्ष लागणार नाही. एखादी मानसिक चिंता सतावेल. प्रवास शक्यतो टाळावेत. वाहने सावकाश चालवावीत. अतिउत्साहीपणा नको.

वृश्‍चिक : प्रियजन भेटणार आहेत. नोकरीतील सहकार्‍यांचे व मित्रमैत्रिणींचे विशेष सहकार्य लाभेल. जुन्या आठवणींना उजाळा मिळेल. आर्थिक कामात सुयश लाभेल. मनोबल उत्तम राहील.

धनु : तुमचे मन आनंदी व आशावादी असणार आहे. सकारात्मकपणे कार्यरत राहाल. तुमच्या विचारांचा प्रभाव राहील. दैनंदिन कामात सुयश लाभेल. नोकरी, व्यवसायात उत्तम स्थिती राहील.

मकर : सुसंधी लाभणार आहे. गुरूजनांचे व वरिष्ठांचे सहकार्य लाभेल. उचित मार्गदर्शन मिळेल. काहींना गुरूकृपा लाभेल. काहींना अनपेक्षित प्रवास संभवतो. कामे वाढणार आहेत.

कुंभ : आर्थिकबाबतीत अनुकूलता लाभणार आहे. दैनंदिन कामे यशस्वी होतील. मनोबल उत्तम राहील. चिकाटी वाढेल. प्रवासाचे योग येतील. आर्थिक व्यवहार यशस्वी होणार आहेत.

मीन : चिकाटी वाढेल. दैनंदिन कामे यशस्वी होतील. वैवाहिक सौख्य लाभेल. सकारात्मकपणे कार्यरत राहाल. आरोग्य उत्तम असणार आहे. चिकाटी वाढणार आहे.

आज शनिवार, आज सकाळी ९ ते १०.३० यावेळेत राहु काल आहे. या काळात प्रवास, प्रयाण, नविन व्यवहार, सरकारी कामे, महत्त्वाच्या गाठीभेटी इ. कामे वर्ज्य करावीत.

जन्मपत्रिकेवरुन वैयक्तिक मार्गदर्शन, विवाह गुणमेलन, भाग्यकारक रत्ने याकरिता संपर्क साधा- गार्गी ज्योतिषालय, संभाजीनगर, सातारा- 9822303054