आजचे राशिफल ..सपना पवार

गार्गी ज्योतिषालय, संभाजीनगर, सातारा- ९८२२३०३०५४

आजचा दिवस

शके १९४६, क्रोधीनाम संवत्सर, चैत्र शुक्ल अष्टमी, सोमवार, दि. १५ एप्रिल २०२४, चंद्र – मिथुन राशीत, नक्षत्र – पुनर्वसू, सुर्योदय- सकाळी ०६ वा. २३ मि. , सुर्यास्त- सायं. ६ वा. ५५ मि.

नमस्कार आज चंद्र मिथुन राशीत रहाणार आहे. आजचा दिवस दु. १२ पर्यंत चांगला दिवस आहे. आज रवि – चन्द्र केंद्रयोग, चंद्र – मंगळ त्रिकोणयोग, चंद्र – बुध केंद्रयोग व चन्द्र – गुरु लाभयोग होत आहे. आजचा दिवस मेष, वृषभ, मिथुन, सिंह, कन्या, तुला, धनु, कुंभ व मीन या राशींना अनुकूल तर कर्क, वृश्चिक व मकर या राशींना प्रतिकूल जाईल.

दैनंदिन राशिभविष्य

मेष : मनोबल व आत्मविश्वास उत्तम असल्याने आज आपली अनेक कामे आपण मार्गी लावू शकणार आहात. मानसिक स्वास्थ्य उत्तम राहील. प्रवास सुखकर होणार आहेत. तुमचे कार्यक्षेत्र वाढणार आहे.

वृषभ : आर्थिक कामासाठी अनुकूलता लाभणार आहे. कौटुंबिक स्वास्थ्य उत्तम लाभेल. तुम्ही आज खुश असणार आहात. काहींना एखादी गुप्तवार्ता समजेल. व्यवसायात उत्तम लाभ होणार आहेत.

मिथुन : तुमचे आरोग्य उत्तम राहील. तुमच्या विचारांचा इतरांवर प्रभाव राहील. आपली दैनंदिन कामे आपण विनासायास पूर्ण करु शकणार आहात. मानसिक स्वास्थ्य लाभेल. आनंदी रहाल.

कर्क : धार्मिक कार्यात तुमचा सहभाग वाढेल. काहींना एखादी मनस्तापदायक घटना संभवते. आज आपण कोणत्याही बेकायदेशीर गोष्टींपासून जपावे. विनाकारण त्रास संभवतो.

सिंह : आपले मन आज जुन्या आठवणींमध्ये रमणार आहे. तुमच्यावर एखाद्या गोष्टीचा प्रभाव राहील. आज तुम्ही नवीन मित्रमैत्रिणी बनवणार आहात. आपणाला अनेकांचे सहकार्य लाभेल.

कन्या : मनोबल उत्तम राहील. आजची आपली सर्व कामे विनासायास पूर्ण होणार आहेत. प्रवासातून काहींना विशेष फायदा होईल. तुमच्या विचारांचा इतरांवर प्रभाव असणार आहे.

तुळ : तुमच्या कार्यक्षेत्रात तुम्हाला अपेक्षित असणारी सुसंधी लाभेल. तुम्ही आज विशेष आंनदी व आशावादी असणार आहात. जिद्दीने व चिकाटीने कार्यरत राहून अनेक कामात सुयश मिळवणार आहात

वृश्‍चिक : मनोबल व आत्मविश्वास कमी राहील. आज आपण कोणाच्याही सहकार्याची अपेक्षा करु नये. अनावश्यक होणारे मतभेद टाळावेत. प्रवासात व वाहने चालविताना विशेष काळजी घ्यावी.

धनु : तुमचे आरोग्य उत्तम राहील. तुमचे विचार व तुमची मते तुम्ही इतरांना पटवून देऊ शकणार आहात. आपल्याला मानसिक स्वास्थ्य उत्तम लाभणार आहे. वैवाहिक सौख्य लाभेल.

मकर : आज आपले कामामध्ये लक्ष लागणार नाही. स्वास्थ्य कमी राहील. मनोबल व आत्मविश्वास कमी असल्याने आज आपली दैनंदिन कामे रखडण्याची शक्यता आहे. प्रवास नकोत.

कुंभ : आज आपल्या मुलामुलींकरिता आपला वेळ देणार आहात. प्रियजनांशी सुसंवाद साधणार आहात. तुमचे आरोग्य उत्तम राहील. आर्थिक कामासाठी आजचा दिवस आपणाला विशेष अनुकूल आहे.

मीन : मानसिक स्वास्थ्य व समाधान लाभणार आहे. आपले आरोग्य उत्तम राहील. मनोबलाच्या जोरावर आज आपण विशेष कार्यरत राहणार आहात. प्रवास सुखकर होणार आहेत.

आज सोमवार, आज सकाळी ७.३० ते ९ या वेळेत राहु काल आहे. या काळात प्रवास, प्रयाण, नविन व्यवहार, सरकारी कामे, महत्त्वाच्या गाठीभेटी इ. कामे वर्ज्य करावीत.

जन्मपत्रिकेवरुन वैयक्तिक मार्गदर्शन, विवाह गुणमेलन, भाग्यकारक रत्ने याकरिता संपर्क साधा- गार्गी ज्योतिषालय, संभाजीनगर, सातारा- ९८२२३०३०५४