आजचा दिवस : राशिभविष्य

आजचा दिवस

शके १९४६, क्रोधीनाम संवत्सर, वैशाख पौर्णिमा, बुद्ध पौर्णिमा, गुरुवार, दि. २३ मे २०२४, चंद्र – वृश्चिक राशीत, नक्षत्र- विशाखा सकाळी ९ वा. १५ मि. पर्यंत नंतर अनुराधा, सुर्योदय- सकाळी ०६ वा. ०३ मि. , सुर्यास्त- सायं. १९ वा. ०८ मि.

नमस्कार आज चंद्र वृश्चिक राशीत रहाणार आहे. आजचा दिवस विशाखा वर्ज्य दिवस आहे. आज रवि – चंद्र प्रतियोग, चंद्र – गुरु प्रतियोग, चंद्र – शुक्र प्रतियोग व गुरु – शुक्र युतीयोग होत आहे. आजचा दिवस वृषभ, कर्क, सिंह, कन्या, तुला, वृश्चिक, मकर, कुंभ व मीन या या राशीना अनुकूल तर मेष, मिथुन व धनु या राशींना प्रतिकूल असणार आहे.

दैनंदिन राशिभविष्य

मेष : आज आपली अनावश्यक चिडचिड होणार आहे. मनोबल कमी राहील. दैनंदिन कामे विलंबाने होतील. मानसिक अस्वस्थता राहणार आहे. काहींना एखाद्या मनस्तापदायक घटनेला सामोरे जावे लागण्याची शक्यता आहे.

वृषभ : मनोबल व आत्मविश्वास वाढेल. गेले दोन दिवस असणारी मानसिक उद्विग्नता कमी होईल. तुमच्या व्यक्तिमत्त्वाचा प्रभाव वाढेल. प्रवासात व वाहने चालविताना आनंद लाभणार आहे.

मिथुन : अनावश्यक कामात तुमचा वेळ वाया जाणार आहे. अतिरिक्त कामे करावी लागतील. मानसिक उद्विग्नतेमुळे दैनंदिन कामात तुमचे लक्ष लागणार नाही. काहींना अनावश्यक खर्च संभवतात.

कर्क : प्रवासात फायदा होईल. काहींना विविध लाभ होतील. तुमचे आरोग्य व आत्मविश्वास उत्तम असणार आहे. कामाचा उरक राहील. दैनंदिन कामे विनासायास पूर्ण होणार आहेत. तुमचा प्रभाव वाढेल.

सिंह : मानसिक प्रसन्नता लाभणार आहे. मनोबल व आत्मविश्वास वाढविणारी एखादी घटना घडेल. तुमच्या कामाची इतरांवर विशेष छाप पडेल. तुम्ही आपली मते व आपले विचार इतरांना पटवून देऊ शकणार आहात.

कन्या : तुम्ही आत्मविश्वासपूर्वक कार्यरत रहाणार आहात. आरोग्याच्या तक्रारी कमी होईल. तुमच्या कार्यक्षेत्रात तुम्हाला अपेक्षित असणारी सुसंधी लाभणार आहे. प्रवास सुखकर होतील.

तुळ :आर्थिक कामात तुम्हाला विशेष फायदा होणार आहे. व्यवसायातील जुनी येणी वसूल होतील. तुमच्या कुटुंबातील सदस्यांचे तुम्हाला अपेक्षित सहकार्य लाभेल. आनंदी व आशावादी असणार आहात.

वृश्‍चिक : मनोबल वाढणार आहे. मानसिक प्रसन्नता लाभणार आहे. तुमच्या कामात तुम्ही बारकाईने लक्ष देणार आहात. उत्साहाने व विशेष उमेदीने कार्यरत रहाणार आहात. दैनंदिन कामे होतील.

धनु : मानसिक अस्वस्थतेचा सामना करावा लागणार आहे. दैनंदिन कामे रखडणार आहेत. मनोबल व आत्मविश्वास कमी असणार आहे. काहींना एखादी चिंता सतावेल तर काहींचा मनोरंजनाकडे कल राहील.

मकर : आर्थिक लाभ होतील. तुमच्या व्यक्तिमत्त्वाचा इतरांवर प्रभाव असणार आहे. कामाचा ताण वाढणार आहे, मात्र तरीही तुम्ही उत्साहाने कार्यरत असणार आहात. प्रवास सुखकर होतील.

कुंभ : सार्वजनिक कामात तुम्ही उत्साहाने सहभागी होणार आहात. कामे यशस्वी होतील. आरोग्य उत्तम असणार आहे. मानसिक प्रसन्नता देणारी एखादी घटना घडेल. स्वास्थ्य व समाधान लाभणार आहे.

मीन : मनोबल उत्तम असणार आहे. काहींना अनपेक्षित धनलाभ संभवतो. प्रवासात आनंद मिळेल. नातेवाईकांच्या गाठीभेटी पडतील. स्वास्थ्य व समाधान लाभेल. रखडलेली कामे मार्गी लावू शकणार आहात.

आज गुरुवार, आज दुपारी १.३० ते ३ या वेळेत राहु काल आहे. या काळात प्रवास, प्रयाण, नविन व्यवहार, सरकारी कामे, महत्त्वाच्या गाठीभेटी इ. कामे वर्ज्य करावीत.

जन्मपत्रिकेवरुन वैयक्तिक मार्गदर्शन, विवाह गुणमेलन, भाग्यकारक रत्ने याकरिता संपर्क साधा- गार्गी ज्योतिषालय, संभाजीनगर, सातारा- ९८२२३०३०५४