आजचा दिवस राशिफल

 

आजचा दिवस

शके १९४६, क्रोधीनाम संवत्सर, वैशाख कृष्ण एकादशी, अपरा एकादशी, रविवार, दि. २ जून २०२४, चंद्र – मीन राशीत, नक्षत्र- रेवती, सुर्योदय- सकाळी ०६ वा. ०२ मि. , सुर्यास्त- सायं. १९ वा. १२ मि.

नमस्कार आज चंद्र मीन राशीत असणार आहे. आजचा दिवस चांगला दिवस आहे. आज चंद्र – मंगळ युतीयोग होत आहे. आजचा दिवस वृषभ, मिथुन, कन्या, वृश्चिक, धनु, मकर, कुंभ व मीन या राशींना अनुकूल तर मेष, सिंह व तुला या राशींना प्रतिकूल असणार आहे.

दैनंदिन राशिभविष्य

मेष : प्रवासात व वाहने चालविताना विशेष काळजी घ्यावी. मनोबल कमी असणार आहे. तुमच्या कामाच्या ठिकाणी तुम्हाला एखादा मनस्ताप संभवतो. अडचणी जाणवणार आहेत. शान्त व संयमी रहावे.

वृषभ : कामाचा ताण कमी असणार आहे. आज तुम्ही आनंदी व आशावादी असणार आहात. तुमच्या व्यक्तिमत्त्वाचा इतरांवर प्रभाव राहील. तुम्ही आपले विचार स्पष्टपणे मांडणार आहात. आरोग्य उत्तम राहील.

मिथुन : तुम्ही आपल्या मतांवर ठाम असणार आहात. सार्वजनिक व सामाजिक कामांत आपला उत्साही सहभाग राहील. कामे मार्गी लागणार आहेत. तुमच्या कामाचा ताण कमी होणार आहे. मनोबल उत्तम राहील.

कर्क : मानसिक अस्वस्थतेचा प्रभाव कमी राहील. तुम्हाला जिद्दीने कार्यरत राहता येणार आहे. तुमच्या कामाचा ताण कमी असणार आहे. आपल्या कामाचा प्रभाव तुम्ही इतरांवर पाडू शकणार आहात.

सिंह : मानसिकरित्या तुम्ही आज दुर्बल असणार आहात. अनावश्यक आपली चिडचिड वाढणार आहे. अकारण मनस्ताप संभवतो. कामामध्ये शिथिलता येईल. प्रवासात व वाहने चालविताना विशेष काळजी व दक्षता घ्यावी.

कन्या : मानसिक प्रसन्नता लाभेल. तुमच्यावर इतरांचा प्रभाव असणार आहे. आपली कामे व आपली मते आपण स्पष्टपणे मांडणार आहात. तुमच्यावर असणारा कामाचा ताण तुम्ही कमी करु शकणार आहात.

तुला : मनोबल कमी असणारआहे. दैनंदिन कामात अनावश्यक अडचणी जाणवतील. आर्थिक नुकसानीची शक्यता आहे. काळजी घ्यावी. अकारण होणारे मतभेद टाळावेत. प्रवासात काळजी घ्यावी.

वृश्चिक : संततीसौख्य लाभेल. बौद्धिक क्षेत्रामध्ये कार्यरत असणाऱ्या व्यक्तींना विशेष अनुकूलता लाभणार आहे. तुम्ही आपली मते व आपले विचार इतरांना पटवून देणार आहात. कामाचा ताण कमी होईल.

धनु : मनोबल व आत्मविश्वास उत्तम असणार आहे. तुम्ही आपली मते इतरांना पटवून देणार आहात. कामाच्या ठिकाणीअसणारा आपला प्रभाव आपण कायम ठेवणार आहात. कार्य साफल्याचा आनंद मिळेल.

मकर : तुम्ही आपली कामे मार्गी लावणार आहात. प्रवासात फायदा होईल. चिकाटीने कार्यरत राहून हाती घेतलेल्या कामात सुयश मिळवणार आहात. आरोग्य उत्तम राहील. मनोबल वाढणार आहे.

कुंभ :आर्थिक कामांकरिता आज आपल्याला अनुकूलता लाभणार आहे. तुमच्या व्यक्तिमत्त्वाचा इतरांवर प्रभाव असणार आहे. मनोबल व आत्मविश्वास उत्तम असणार आहे. आपण आपल्या कामाचा मोबदला मिळवाल.

मीन : वैवाहिक जीवनात स्वास्थ्य व समाधान लाभेल. अनेकांशी सुसंवाद साधणार आहात. प्रवासात फायदा होईल. तुम्ही आपली मते इतरांना पटवून देणार आहात. आपल्यावर कामाचा ताण असला तरी तुम्ही उत्साही रहाल.

आज रविवार, आज दुपारी ४.३० ते ६ या वेळेत राहु काल आहे. या काळात प्रवास, प्रयाण, नविन व्यवहार, सरकारी कामे, महत्त्वाच्या गाठीभेटी इ. कामे वर्ज्य करावीत.

जन्मपत्रिकेवरुन वैयक्तिक मार्गदर्शन, विवाह गुणमेलन, भाग्यकारक रत्ने याकरिता संपर्क साधा- गार्गी ज्योतिषालय, संभाजीनगर, सातारा- ९८२२३०३०५४