दैनंदिन राशिभविष्य
आजचा दिवस
शके १९४६, क्रोधीनाम संवत्सर, अश्विन शुक्ल त्रयोदशी, भौमप्रदोष, मंगळवार, दि. १५ ऑक्टोबर २०२४, चंद्र – कुंभ राशीत दु. ४ वा. ४९ मि. पर्यंत नंतर मीन राशीत, नक्षत्र – पूर्वाभाद्रपदा, सुर्योदय- सकाळी ०६ वा. ३४ मि. , सुर्यास्त- सायं. १८ वा. १५ मि.
नमस्कार आज चंद्र कुंभ राशीत दु. ४ वा. ४९ मि. पर्यंत रहात असून नंतर तो मीन राशीत रहाणार आहे. आजचा दिवस चांगला दिवस आहे. आज रवि – चंद्र षडाष्टक योग, चंद्र – मंगळ त्रिकोणयोग, चंद्र – गुरु केंद्रयोग व चंद्र – शुक्र त्रिकोणयोग होत आहे. आजचा दिवस सर्व राशींना संमिश्र स्वरुपाचा जाईल.
दैनंदिन राशिभविष्य
मेष – महत्त्वाची कामे दुपारपर्यंत करावीत. दुपारनंतर मनोबल कमी राहील. प्रवास नकोत. वाहने जपून चालवावित. आज आपणाला दैनंदिन कामात अडचणी जाणवणार आहेत. दगदग व त्रास होईल.
वृषभ – नोकरी, व्यवसायातील आर्थिक कामे दुपारनंतर होतील. महत्त्वाच्या गाठीभेटी पडतील. आर्थिक लाभ होतील. दुपारनंतर अनपेक्षितपणे प्रियजन भेटणार आहेत. कामाचा ताण कमी होईल.
मिथुन – मनोबल व आत्मविश्वास उत्तम राहील. तुमचा प्रभाव राहील. आरोग्य उत्तम राहील. भाग्यकारक अनुभव येतील. काहींना मानसन्मान लाभेल. तुम्ही आपली मते इतरांवर लादणार आहेत.
कर्क- दुपारनंतर तुमचे मनोबल व आत्मविश्वास वाढविणारी घटना घडेल. आरोग्य उत्तम राहील. दैनंदिन कामातील अडचणी दुपारनंतर कमी होतील. प्रवासात काळजी घ्यावी.
सिंह – दुपारनंतर मानसिक अस्वस्थता राहील. आरोग्य सांभाळावे. प्रवासात व वाहने चालविताना काळजी घ्यावी. काहींना एखादया मनस्तापदायक घटना संभवते. मनोबल कमी राहील.
कन्या – दुपारनंतर तुमचे मनोबल वाढेल. दैनंदिन कामे तसेच इतर महत्त्वाची कामे दुपारनंतर मार्गी लागतील. प्रवास होतील. आरोग्याच्या तक्रारी कमी होणार आहेत. कामाचा ताण कमी होईल.
तुला – दुपारनंतर अनावश्यक खर्च संभवतात. मनोबल कमी राहील. वाहने सावकाश चालवावीत. कामाचा ताण वाढणार आहे. अनावश्यक कामात वेळ जाईल. मानसिक ताणतणाव राहतील.
वृश्चिक – नोकरी, व्यवसायातील महत्त्वाची कामे दुपारपूर्वी करावीत. मानसिक प्रसन्नता लाभेल. उत्साही रहाल. तुमच्या कामाने अनेक जण प्रभावित होणार आहेत. आनंदी घटना घडेल.
धनु – जिद्दीने कार्यरत रहाल. आरोग्य उत्तम राहील. महत्त्वाच्या कामात सुयश लाभेल. कामाचा ताण असला तरी कामे उरकणार आहेत. प्रवास सुखकर होणार आहेत.
मकर – आर्थिक कामे दुपारपूर्वी करावीत. आरोग्य उत्तम राहील. प्रवास होतील. कौटुंबिक जीवनात स्वास्थ्य व समाधान लाभणार आहे. आरोग्य उत्तम राहणार आहे. मनोबल व आत्मविश्वास वाढेल.
कुंभ – महत्त्वाची आर्थिक कामे दुपारनंतर करावीत. तुमचा प्रभाव वाढेल. अनेक कामात सुयश लाभेल. प्रवासाचे योग येणार आहेत. तुम्ही आपली मते इतरांना पटवून देऊ शकणार आहात.
मीन – दुपारनंतर मानसिक अस्वस्थता कमी होईल. उत्साह वाढेल. प्रवास होतील. आरोग्याच्या तक्रारी कमी होणार आहेत. तुमच्या कामाची उचित दखल घेतली जाईल.
आज मंगळवार, आज दुपारी ३ ते ४.३० वेळेत राहु काल आहे. या काळात प्रवास, प्रयाण, नविन व्यवहार, सरकारी कामे, महत्त्वाच्या गाठीभेटी इ. कामे वर्ज्य करावीत.
जन्मपत्रिकेवरुन वैयक्तिक मार्गदर्शन, विवाह गुणमेलन, भाग्यकारक रत्ने याकरिता संपर्क साधा- गार्गी ज्योतिषालय, संभाजीनगर, सातारा- ९८२२३०३०५४