राशिफल .. स्वप्ना पवार

आजचा दिवस

शके १९४६, क्रोधीनाम संवत्सर, चैत्र शुक्ल अष्टमी, दुर्गाष्टमी, मंगळवार, दि. १६ एप्रिल २०२४, चंद्र – कर्क राशीत, नक्षत्र – पुष्य, सुर्योदय- सकाळी ०६ वा. २२ मि. , सुर्यास्त- सायं. ६ वा. ५५ मि.

नमस्कार आज चंद्र कर्क राशीत रहाणार आहे. आजचा दिवस चांगला दिवस आहे. आजचा दिवस मेष, वृषभ, मिथुन, कर्क, कन्या, तुला, वृश्चिक, मकर व मीन या राशींना अनुकूल तर सिंह, धनु व कुंभ या राशींना प्रतिकूल जाईल.

दैनंदिन राशिभविष्य

मेष : मानसिक प्रसन्नता व समाधान लाभणार आहे. आज तुमचे मन आनंदी व आशावादी असणार आहे. आपल्या दैनंदिन कामात काहीच अडचणी येणार नाहीत. उत्साहाने कामे पूर्ण कराल.

वृषभ : तुमचे कार्यक्षेत्र वाढणार आहे. मनोबल व आत्मविश्वास उत्तम राहील. महत्त्वाच्या गाठीभेटी व अपेक्षित पत्रव्यवहार करण्यासाठी आजचा दिवस आपल्याला विशेष अनुकूल आहे.

मिथुन : मानसिक प्रसन्नता लाभेल. कौटुंबिक जीवनात एखादी आनंददायी घटना घडेल. तुमच्या विचारांचा इतरांवर प्रभाव असणार आहे. व्यवसायातील जुनी येणी अनपेक्षितपणे वसूल होतील.

कर्क : आपले मनोबल व आत्मविश्वास आज उत्तम असणार आहे. गेले दोन दिवस असणारी अस्वस्थता आज संपणार आहे. नोकरी व व्यवसायात उत्तम स्थिती राहील. रखडलेली कामे आज तुम्ही पूर्ण कराल.,

सिंह : मानसिक अस्वस्थतेमुळे आज आपले कामामध्ये लक्ष लागणार नाही. मनोबल कमी राहील. अनावश्यक कामात तुमचा वेळ वाया जाईल. प्रवासात विशेष काळजी घ्यावी. वाहने सावकाश चालवावित.

कन्या : आर्थिक कामासाठी आज आपणाला अनुकूलता लाभणार आहे. आपली महत्त्वाची कामे आज आपण पूर्ण करु शकणार आहात. तुमचे मनोबल उत्तम राहील. काहींना विविध लाभ होणार आहेत.

तुळ : सार्वजनिक कामात आज आपण उत्साहाने सहभागी होणार आहात. तुमचा इतरांवर प्रभाव राहील. आजचा दिवस आपणाला अनेक दृष्टीने अनुकूल आहे. प्रवास सुखकर होणार आहेत.

वृश्‍चिक : मानसिक चिंता आज कमी होतीळ. तुमचे मनोबल व आत्मविश्वास वाढेल. आरोग्याच्या तक्रारी कमी होतील. तुमच्या कार्यक्षेत्रात तुम्ही अपेक्षित प्रगती साध्य करु शकणार आहात.

धनु : मनोबल कमी राहील. काहींना चिंता सतावतील. कामामध्ये आज आपले लक्ष लागणार नाही. मानसिक अस्वस्थता असल्याने आज आपली चिडचिड होणार आहे. प्रवास शक्यतो टाळावेत.

मकर : वैवाहिक सौख्य लाभेल. गेले दोन दिवस जाणवत असणाऱ्या आरोग्यच्या तक्रारी कमी होणार आहेत. रखडलेली कामे मार्गी लावू शकणार आहात. तुमचा उत्साह वाढेल. प्रवास सुखकर होतील.

कुंभ : खर्च वाढणार आहेत. मनोबल व आत्मविश्वास कमी राहील. आज आपल्याला एखाद्या बाबतीत मनस्ताप होण्याची शक्यता आहे. त्यामुळे आज आपण शांत व संयमी रहावे.

मीन : प्रियजनांशी सुसंवाद साधाल. तुमचे मन आनंदी राहील. प्रवास सुखकर होणार आहेत. काहींचे आज बौद्धिक व वैचारिक परिवर्तन होईल. कामाचा ताण असला तरी तुम्ही उत्साही रहाल.

आज मंगळवार, आज दुपारी ३ ते ४.३० या वेळेत राहु काल आहे. या काळात प्रवास, प्रयाण, नविन व्यवहार, सरकारी कामे, महत्त्वाच्या गाठीभेटी इ. कामे वर्ज्य करावीत.

जन्मपत्रिकेवरुन वैयक्तिक मार्गदर्शन, विवाह गुणमेलन, भाग्यकारक रत्ने याकरिता संपर्क साधा- गार्गी ज्योतिषालय, संभाजीनगर, सातारा- ९८२२३०३०५४