साप्ताहिक भविष्य :सौ. स्वप्ना अवसरे – पवार, ( B.S.L, LL.M., ज्योतिष- विशारद)

सौ. स्वप्ना अवसरे – पवार, ( B.S.L, LL.M., ज्योतिष- विशारद)

गार्गी ज्योतिषालय, संभाजीनगर, सातारा- ९८२२३०३०५४

साप्ताहिक राशिभविष्य

दि. २१ एप्रिल २०२४ ते दि. २७ एप्रिल २०२४

आगामी सप्ताहात, आज रविवार, आज प्रदोष असून आज महावीर जयंती आहे. मंगळवार, दि. २३ एप्रिल रोजी हनुमान जयंती आहे, तर शनिवार, दि. २७ रोजी संकष्ट चतुर्थी आहे, आगामी सप्ताहात आज रविवार, दि. २१ एप्रिल व उद्या सोमवार, दि. २२ एप्रिल उत्तम दिवस, मंगळवार, दि. २३ एप्रिल दु. ४ नंतर चांगला दिवस, बुधवार दि. २४ एप्रिल शुभ दिवस, गुरुवार, दि. २५ एप्रिल व्यतिपात वर्ज्य दिवस, शुक्रवार, दि. २६ एप्रिल शुभ दिवस, तर शनिवार, दि. २७ एप्रिल ज्येष्ठा वर्ज्य दिवस याप्रमाणे दिवस आहेत. आगामी सप्ताहात चंद्राचे कन्या, तुला व वृश्चिक या राशीतून भ्रमण होणार आहे. आगामी सप्ताह हा कर्क, सिंह, कन्या व मकर या राशींच्या व्यक्तींना विशेष अनुकूल आहे.

मेष – अनावश्यक मानसिक ताणतणाव
आगामी सप्ताहात आपणाला काही अनावश्यक मानसिक ताण तणावांना सामोरे जावे लागण्याची शक्यता आहे. अनावश्यक खर्च होत असल्यामुळे तुमची चिडचिड होणार आहे. सप्ताहाच्या सुरुवातीलाच आपली कामे रखडणार आहेत. दैनंदिन कामे करताना आपल्याला काही अनपेक्षित अडचणीचा सामना करावा लागण्याची शक्यता आहे. मानसिक अस्वस्थता असल्याने आगामी सप्ताहात आपले कोणत्याही कामात मन लागणार नाही. सप्ताहाच्या मध्ये एक दोन दिवस आपला उत्साह बरा राहील. आपली कामे आपण मार्गी लावू शकाल. मात्र, आगामी सप्ताहात आपल्याला काही आर्थिक अडचणींचादेखील सामना करावा लागणार आहे. सप्ताहाच्या शेवटी आपल्यावर कसलेतरी भावनिक दडपण राहील. आपल्याला कसलीतरी चिंता लागून राहण्याची शक्यता आहे. आगामी सप्ताहात आपण दूरवरचे प्रवास करण्याचे शक्यतो टाळावे. तसेच वाहने चालविताना काळजी व दक्षता घ्यावी.
अनु. दि. २४, २५

वृषभ : संमिश्र सप्ताह
आगामी सप्ताह आपणाला संमिश्र स्वरुपाचा असणार आहे. आगामी सप्ताह आपल्याला काही बाबतीत अनुकूल तर काही बाबतीत प्रतिकूल असणार आहे. आपले आरोग्य उत्तम राहील, मात्र आपल्याला कसलीतरी मानसिक अस्वस्थता राहील. सप्ताहाच्या सुरुवातीला आपल्याला आपली आर्थिक कामे मार्गी लावता येणार आहेत, मात्र त्याचबरोबर आपल्याला आगामी सप्ताहात काही अनावश्यक खर्चही करावे लागणार आहेत. आगामी सप्ताहात आपल्याला काही अनावश्यक व वेळखाऊ कामेही करावी लागणार आहेत. आगामी सप्ताहात आपण काही धार्मिक कार्यात सहभागी व्हाल. आपली धार्मिक प्रगती होईल. मनोबल कमी राहील. आगामी सप्ताहात आपल्याला प्रवासात व वाहने चालविताना विशेष काळजी घ्यावी लागणार आहे. आगामी सप्ताहात आपण कोणाच्याही सहकार्यावर अवलंबून राहू नये.
अनु. दि. २१,२२,२६,२७

मिथुन : पूर्वार्धात यश
आगामी सप्ताहाचा पूर्वार्ध आपणाला अनुकूल असणार आहे. सप्ताहाच्या पूर्वार्धत आपले आरोग्य उत्तम राहील. आपल्याला मानसिक प्रसन्नता लाभेल. आपल्या विचारावर व आपल्या मतांवर तुम्ही ठाम राहणार आहात. आपली मानसिकता सकारात्मक असणार आहे. आगामी सप्ताहात आपले व्यवसायातील अंदाज अचूक ठरतील. आपल्याला मानसिक स्वास्थ्य लाभेल. आपल्याला आपल्या प्रियजनांकरिता वेळ देता येणार आहे. आर्थिक कामासाठीही आपल्याला सप्ताहाचा पूर्वार्ध विशेष अनुकूल असणार आहे. सप्ताहाच्या शेवटी मात्र आपले मनोबल कमी असणार आहे. आपल्याला आरोग्याच्या तक्रारी राहणार आहेत.
अनु. दि. २१ ते २५

कर्क : उत्साही रहाल.
आगामी सप्ताहात आपले आरोग्य उत्तम असणार आहे. आपण विशेष उमेदीने व उत्साहाने कार्यरत रहाणार आहात. मानसिक स्वास्थ्य उत्तम राहणार आहे. आपण आपल्या कार्यक्षेत्रात विशेष जिद्दीने व चिकाटीने प्रयत्नरत रहाणार आहात. आगामी सप्ताहात आपल्याला काही अनपेक्षित प्रवास संभवतात. काहींना नोकरीनिमित्त तर काहींना व्यवसायानिमित्त प्रवास करावा लागणार आहे. आगामी सप्ताहात आपण सार्वजनिक कार्यात उत्साहाने सहभागी होणार आहात. आपल्याला मानसन्मान लाभणार आहे. प्रतिष्ठा लाभणार आहे. आगामी संपूर्ण सप्ताह आपल्याला अनेक बाबतीत विशेष अनुकूल व प्रगतीचा असणार आहे.
अनु. दि. २१ ते २७

सिंह : आर्थिक लाभ
आगामी सप्ताह हा आपणाला आर्थिक लाभाच्यादृष्टीने विशेष अनुकूल असणार आहे. आपल्याला विशेष आर्थिक लाभ होतील. आपले मनोबल व आत्मविश्वास उत्तम राहील. व्यवसायातील जणू येणी आगामी सप्ताहात अनपेक्षितपणे वसूल होणार आहेत. सप्ताहाच्या सुरुवातीला आपल्याला कौटुंबिक स्वास्थ्य उत्तम लाभणार आहे. कौटुंबिक जीवनात एखादी आनंददायी घटना घडणार आहे. मानसिक स्वास्थ्य उत्तम राहील. आगामी सप्ताहात तुमच्या कार्यक्षेत्रात तुम्हाला एखादी सुसंधी लाभेल. नवी दिशा सापडेल. गेले काही दिवसांपासून आपल्याला असणाऱ्या अस्वस्थतेमध्ये काहीसा दिलासा देणारा हा सप्ताह असणार आहे.
अनु. दि. २१ ते २७

कन्या : कौटुंबिक स्वास्थ्य
आगामी सप्ताहात आपल्याला कौटुंबिक स्वास्थ्य लाभणार आहे. आपला आत्मविश्वास उत्तम असणार आहे. आपल्यावर कामाचा ताण असला तरी आपले मनोबल उत्तम असणार आहे. आगामी सप्ताहात आपण आपल्या महत्त्वाच्या कामांचे नियोजन करु शकता, त्यासाठी आगामी सप्ताह आपणाला अनुकूल आहे. आगामी सप्ताहात आपण आपली दैनंदिन कामे विनासायास पूर्ण करू शकणार आहात. वैवाहिक जीवनात सुसंवाद राहील. आपल्याला आपल्या जोडीदाराचे उत्तम सहकार्य लाभणार आहे. मानसिक सौख्य उत्तम लाभेल. आगामी सप्ताहात आपल्याला विशेष उत्साहाने व उमेदीने कार्यरत राहता येणार आहे. प्रवासासाठी आगामी संपूर्ण सप्ताह आपणाला अनुकूल असणार आहे.
अनु. दि. २१ ते २७

तुला : आरोग्य उत्तम राहील.
आगामी सप्ताहात आपले आरोग्य उत्तम असणार आहे. सप्ताहाच्या सुरुवातीला जरी आपल्याला आरोग्याच्या काही तक्रारी जाणवल्या तरी आगामी सप्ताहात आपले मनोबल उत्तम असणार आहे. सप्ताहाच्या उत्तरार्धात आपल्याला अचानक धनलाभ होण्याची शक्यता आहे. आपल्याला मानसिक स्वास्थ्य लाभेल. आपले मनोबल व आत्मविश्वास उत्तम असणार आहे. आगामी सप्ताहाच्यामध्ये आपल्या कुटूंबातील वातावरण सौहार्दपूर्ण राहील. आपल्याला आपल्या जोडीदाराचे उत्तम सहकार्य लाभेल. आगामी सप्ताहात आपल्या मतांचा व आपल्या विचारांचा उत्तम प्रभाव राहील. आगामी सप्ताहाचा उत्तरार्ध आपणाला प्रवसाकरिता विशेष अनुकूल असणार आहे.
अनु. दि. २३ ते २७

वृश्चिक : खर्चिक सप्ताह
आगामी सप्ताहाची सुरुवात ही आपणाला काहीप्रमाणात अनुकूल असणार आहे, मात्र आगामी सप्ताहाच्या उत्तरार्धात आपल्याला काही अनावश्यक खर्च करावे लागणार आहेत. आपले मनोबल कमी असणार आहे. आपल्याला आरोग्याच्या काही तक्रारी राहणार आहेत. आपली महत्त्वाची कामे आगामी सप्ताहात रखडण्याची शक्यता आहे. प्रवासात व वाहने चालविताना आपल्याला विशेष काळजी घ्यावी लागणार आहे. आगामी सप्ताहामध्ये आपल्याला काही अनपेक्षित अडचणींचा सामना करावा लागण्याची शक्यता आहे. सप्ताहाच्या शेवटी आपले मनोबल वाढविणारी एखादी घटना घडेल. सप्ताहाच्याशेवटी प्रवासासाठी अनुकूलता लाभेल.
अनु. दि. २१, २२,२६, २७

धनु : आर्थिक लाभ
आगामी सप्ताहात आपल्याला आर्थिक लाभ होणार आहेत. आपले मनोबल व आत्मविश्वास उत्तम राहील. मानसिक स्वास्थ्य उत्तम राहील. सप्ताहाच्या सुरुवातीला तुमचा इतरांवर प्रभाव असणार आहे. आपले मनोबल उत्तम राहील. सार्वजनिक कामात आपला उत्साही सहभाग राहील. काहींना मानसन्मान लाभेल. आपल्या दैनंदिन कामात आपल्याला सुयश लाभेल. सप्ताहाच्या सुरुवातीलाच आपल्याला आपल्या प्रियजनांच्या गाठीभेटी घेता येणार आहेत. आपला आत्मविश्वास वाढविणारी एखादी घटना घडेल. आपल्याला अनेकांचे सहकार्य लाभेल. मानसिक प्रसन्नता राहील. सप्ताहाच्या शेवटी आपला करमणुकीकडे व मनोरंजनाकडे कल राहील.
अनु. दि. २१ ते २५

मकर : दैनंदिन कामात सुयश
आगामी सप्ताह हा आपणाला अनेक दृष्टीने अनुकूल असणार आहे. आपले आरोग्य उत्तम राहील. आपले मनोबल व आत्मविश्वास उत्तम राहणार आहे. आगामी सप्ताहात आपण आपली दैनंदिन कामे विनासायास पूर्ण करु शकणार आहात. नोकरी व व्यवसायात उत्तम स्थिती राहील. आपले नोकरीतील महत्त्वाच्या गाठीभेटींचे नियोजन आपण या सप्ताहात करु शकता. तसेच व्यवसायातील तुमचे आर्थिक अंदाज अचूक ठरणार आहेत व आपल्याला व्यवसायातील महत्त्वाचे आर्थिक व्यवहार या सप्ताहात पूर्ण करता येणार आहेत. आगामी संपूर्ण सप्ताह आपणाला प्रवासाकरिता अनुकूल असणार आहे. सार्वजनिक कामात तुम्हाला मानसन्मान लाभेल.
अनु. दि. २१ ते २७

कुंभ : सप्ताहाचा उत्तरार्ध अनुकूल
आगामी सप्ताहाची सुरुवात ही आपणाला निराशाजनक असणार आहे. सप्ताहाच्या सुरुवातीला आपल्याला आरोग्याच्या काही तक्रारी राहतील. आपले मनोबल कमी राहील. आपले मन अशांत राहणार आहे. काही जणांना सप्ताहाच्या सुरुवातीला काही मानसिक चिंता सतावणार आहेत तर काहींना कसलेतरी भावनिक दडपण राहण्याची शक्यता आहे. आगामी सप्ताहात आपण कोणतेही आर्थिक धाडस करण्याचे टाळावे. आपले मनोबल व आत्मविश्वास कमी राहील. सप्ताहाच्याउत्तरार्धात मात्र आपले आरोग्य सुधारेल. आपले मनोबल वाढविणारी एखादी घटना घडेल. सप्ताहाच्या उत्तरार्धात आपण प्रवासाचे नियोजन करू शकता. आर्थिक धाडस मात्र कटाक्षाने टाळावे.
अनु. दि. २३ ते २७

मीन : भावनिक दडपण राहील.
आगामी सप्ताहात आपले मनोबल कमीअसणार आहे, आपल्यावर भावनिक दडपण राहण्याची शक्यता आहे. आपणाला काही अतिरिक्त कामाचा ताण राहणार आहे. आगामी सप्ताहाच्या सुरुवातीला आपल्याला आरोग्य जपावे लागणार आहे. आगामी सप्ताहाच्या सुरुवातीलाच काही अनावश्यक खर्च राहणार आहेत. आपले मनोबल व आत्मविश्वास कमी असणार आहे. आगामी सप्ताहात आपली कामे रखडण्याची शक्यता आहे. सप्ताहाच्या मध्ये एक दोन दिवस आपल्याला उत्साही वाटेल मात्र आपल्यावर कामाचा ताण असल्याने तणाव राहणार आहेत. आगामी सप्ताहात आपण प्रवास करण्याचे टाळावे तसेच वाहने चालविताना आपण विशेष काळजी व दक्षता घ्यावी.
अनु.दि. २१,२२,२६,२७