राशिभविष्य

आजचा दिवस

शके १९४६, क्रोधीनाम संवत्सर, कार्तिक कृष्ण चतुर्दशी, शुक्रवार, दि. २९ नोव्हेंबर २०२४, चंद्र – तुला राशीत, नक्षत्र – स्वाती स. १० वा. १८ मि. पर्यंत नंतर विशाखा, सुर्योदय- सकाळी ०६ वा. ५६ मि. , सुर्यास्त- सायं. १७ वा. ५८ मि.

नमस्कार आज चंद्र तुला राशीत रहाणार आहे. आजचा दिवस वर्ज्य दिवस आहे. आज चंद्र – शुक्र लाभयोग व चंद्र – शनि त्रिकोणयोग होत आहे. आजचा दिवस मेष, मिथुन, कर्क, सिंह, कन्या, तुला, धनु , मकर व कुंभ या राशींना अनुकूल तर वृषभ, वृश्चिक व मीन या राशींना प्रतिकूल असणार आहे.

दैनंदिन राशिभविष्य

मेष : तुमचा प्रभाव वाढणार आहे. तुम्ही आपली मते इतरांना पटवून देऊ शकाल. मानसिक प्रसन्नता लाभेल. आरोग्याच्या तक्रारी कमी होणार आहेत. प्रवास सुखकर होतील. वैवाहिक सौख्य लाभेल.

वृषभ : काहींचा धार्मिक कार्यात सहभाग वाढेल. मनोबल कमी राहील. दैनंदिन कामे विलंबाने होणार आहेत. प्रवास शक्यतो टाळावेत. वाहने चालविताना काळजी घ्यावी. अकारण खर्च वाढतील.

मिथुन : प्रियजनांसाठी वेळ द्याल. अनेकांशी सुसंवाद साधणार आहात. मनोबल व आत्मविश्वास उत्तम राहील. तुमच्या व्यवसायातील तुमचे निर्णय बरोबर ठरतील. आर्थिक लाभ होतील.

कर्क : मानसिक आशावाद वाढेल. स्वास्थ्य व समाधान लाभेल. तुम्ही आपली मते इतरांना पटवून देणार आहात. नोकरी व व्यवसायात अपेक्षित प्रगती साध्य करणार आहात.

सिंह : तुमच्या कार्यक्षेत्रात तुम्हाला अपेक्षित असणारी संधी लाभणार आहे. मनोबल उत्तम राहील. आरोग्य चांगले असणार आहे. काहींना अनपेक्षितपणे प्रवास करावा लागेल.

कन्या : कौटुंबिक जीवनात आनंददायी घटना घडेल. मानसिक प्रसन्नता लाभणार आहे. काहींना एखादी गुप्तवार्ता समजेल. तुमचे मनोबल आज विशेष असणार आहे. दैनंदिन कामे पूर्ण होणार आहेत.

तुळ : दैनंदिन कामे यशस्वी होतील. आरोग्य उत्तम राहील. तुमच्या विचारांचा इतरांवर प्रभाव राहील. स्वास्थ्य व समाधान लाभेल. वैवाहिक जीवनात विशेष सुसंवाद राहील.

वृश्‍चिक : मनोबल कमी असल्याने आजची आपली दैनंदिन कामे विलंबाने होणार आहेत. खर्च वाढणार आहेत. काहींचा करमणुकीकडे कल राहील तर काहीजण धार्मिक कार्यात रमतील.

धनु : आर्थिक लाभ होणार होणार आहेत. मानसिक प्रसन्नता लाभेल. महत्त्वाचे निर्णय घेण्यासाठी विचार करु शकणार आहात. जुने मित्रमैत्रिणी भेटणार आहेत. अनेकांचे सहकार्य लाभेल.

मकर : दैनंदिन कामात सुयश लाभेल. सार्वजनिक कामात तुमचा सहभाग वाढणार आहे. तुम्हाला तुमच्या मतांचा प्रभाव पाडता येणार आहे. कामे यशस्वी होणार आहेत. आनंदी रहाल.

कुंभ : तुमच्या नातेवाईकांच्या सहकार्याने तुम्हाला जाणवत असणारी समस्या सोडवू शकणार आहात. आरोग्याच्या तक्रारी कमी होणार आहेत. तुमचे मनोबल व आत्मविश्वास वाढविणारी घटना घडेल.

मीन : दैनंदिन कामात तुम्हाला अडचणी जाणवणार आहेत. प्रवासात व वाहने चालविताना विशेष काळजी घ्यावी. तुमच्या भावनांवर तुम्हाला नियंत्रण ठेवावे लागेल. वादविवादात सहभाग टाळावा.

आज शुक्रवार, आज सकाळी १०.३० ते १२ या वेळेत राहु काल आहे. या काळात प्रवास, प्रयाण, नविन व्यवहार, सरकारी कामे, महत्त्वाच्या गाठीभेटी इ. कामे वर्ज्य करावीत.