आजचा दिवस
आजचा दिवस
शके १९४६, क्रोधीनाम संवत्सर, पौष शुक्ल प्रतिपदा, मंगळवार, दि. ३१ डिसेंबर २०२४, चंद्र – धनु राशीत, नक्षत्र – पूर्वाषाढा, सुर्योदय- सकाळी ०७ वा. १३ मि. , सुर्यास्त- सायं. १८ वा. ११ मि.
नमस्कार आज चंद्र धनु राशीत रहाणार आहे. आजचा दिवस चांगला दिवस आहे. आज चंद्र – शनि लाभयोग होत आहे. आजचा दिवस मेष, मिथुन, सिंह, कन्या, तुला, वृश्चिक, धनु, कुंभ व मीन या राशींना अनुकूल तर वृषभ, कर्क व मकर या राशींना प्रतिकूल जाईल.
दैनंदिन राशिभविष्य
मेष : महत्त्वाच्या कामांमध्ये अनुकूलता लाभणार आहे. तुमचा आत्मविश्वास उत्तम राहणार आहे. नातेवाईकांच्या अनपेक्षित गाठीभेटी पडतील. प्रवासाचे योग येणार आहेत. जिद्दीने कार्यरत रहाणार आहात.
वृषभ : आज आपण मानसिकदृष्ट्या कमकुवत रहाल. कोणतीतरी सल राहील. आज कोणाच्याही सहकार्याची अपेक्षा करू नये. तुमचे मन नाराज राहणार आहे. कामामध्ये लक्ष लागणार नाही.
मिथुन : आज एखादी आंनददायी घटना घडणार आहे. मनोबल उत्तम राहील. आज सर्वत्र तुमचा प्रभाव असणार आहे. तुमची मते ठाम असणार आहेत. वैवाहिक जीवनात सुसंवाद राहील.
कर्क : आज आपण आपले मनोबल कायम टिकवून ठेवावे. महत्त्वाचे निर्णय तसेच महत्वाची कामे आज नकोत. कामाचा ताण जाणवणार आहे. तुमची अनावश्यक धावपळ होणार आहे.
सिंह : आपल्या कुटूंबासाठी, प्रिय व्यक्तींसाठी आज आपण वेळ देणार आहात. तुम्हाला आर्थिक लाभ होतील. काहींच्या जुन्या आठवणी ताज्या होतील. तुमचा बौद्धिक प्रभाव वाढणार आहे.
कन्या : आरोग्याची उत्तम साथ आज आपणाला लाभणार आहे. आपली महत्त्वाची कामे आज आपण पूर्ण करु शकणार आहात. आज पूर्ण दिवस तुम्ही कामामध्ये व्यस्त राहणार आहात.
तुळ : आज तुम्ही अपूर्व मनोबलाच्या जोरावर कार्यरत राहणार आहात. तुमचे आरोग्य उत्तम राहील. कामाचा ताण असला तरी उत्साही रहाल. तुमची मानसिकता सकारात्मक असणार आहे.
वृश्चिक : कौटुंबिक जीवनात विशेष सुसंवाद राहणार आहे. आरोग्य उत्तम राहील. काहींना एखादी गुप्तवार्ता समजेल. मनोबल वाढणार आहे. आर्थिक कामात सुयश लाभणार आहे.
धनु : आज तुमचा प्रभाव वाढणार आहे. काही बाबतीत तुम्ही तुमची मते इतरांवर लादण्याचा प्रयत्न करणार आहात. आपले मनोबल उत्तम राहील. वैवाहिक सौख्य लाभणार आहे.
मकर : आज आपण शांत व संयमी रहावे. काहींची अध्यात्मिक प्रगती होईल. काहींचा धार्मिक कार्यात सहभाग वाढेल. आरोग्याच्या तक्रारी स्वास्थ्य लाभू देणार नाहीत. वादविवाद नकोत.
कुंभ : अपेक्षित आर्थिक कामात सुयश लाभेल. उत्साहवर्धक घटना घडेल. मनोबल उत्तम राहील. काहींना जुने मित्र मैत्रिणी भेटणार आहेत. कामाचा ताण कमी होईल. प्रियजनाकरिता खर्च कराल.
मीन : सार्वजनिक कामात तुमचा विशेष सहभाग राहील. आरोग्य उत्तम राहील. कामाचा ताण व दगदग कमी होईल. उत्साहाने सर्वाशी संपर्क साधणार आहात. मनोबल उत्तम राहील. प्रवास सुखकर होणार आहेत.
आज मंगळवार, आज दुपारी ३ ते ४.३० यावेळेत राहु काल आहे. या काळात प्रवास, प्रयाण, नविन व्यवहार, सरकारी कामे, महत्त्वाच्या गाठीभेटी इ. कामे वर्ज्य करावीत.
जन्मपत्रिकेवरुन वैयक्तिक मार्गदर्शन, विवाह गुणमेलन, भाग्यकारक रत्ने याकरिता संपर्क साधा- गार्गी ज्योतिषालय, संभाजीनगर, सातारा- ९८२२३०३०५४