https://www.facebook.co
आजचा दिवस
शके १९४६, क्रोधीनाम संवत्सर, चैत्र शुक्ल तृतीया, गौरी तृतीया ( तीज), गुरुवार, दि. ११ एप्रिल २०२४, चंद्र – मेष राशीत सकाळी ८ वा. ४० मि. पर्यंत नंतर वृषभ, नक्षत्र – कृत्तिका, सुर्योदय- सकाळी ०६ वा. २६ मि. , सुर्यास्त- सायं. ६ वा. ५४ मि.
नमस्कार आज चंद्र मेष राशीत सकाळी ०८ वा. ४० मि. पर्यंत रहात असून नंतर तो वृषभ राशीत रहाणार आहे. आजचा दिवस कृत्तिका नक्षत्र वर्ज्य दिवस आहे. आज रवि – बुध युतीयोग होत आहे. आजचा दिवस मेष, वृषभ, कर्क, सिंह, कन्या, वृश्चिक, मकर, कुंभ व मीन या राशीना अनुकूल तर मिथुन, तुला व धनु या राशीना प्रतिकूल असणार आहे.
दैनंदिन राशिभविष्य
मेष : आर्थिक कामासाठी आजचा दिवस आपल्याला विशेष अनुकूल असणार आहे. कौटूंबिक जीवनातील मतभेद कमी होणार आहेत. आज आपल्याला स्वास्थ्य व समाधान लाभणार आहे.
वृषभ : आपला उत्साह व उमेद वाढविणारी एखादी घटना घडेल. आपले मनोबल व आत्मविश्वास वाढेल. गेले दोन दिवस असणारी अस्वस्थता आता कमी होईल. रखडलेली कामे पूर्ण करु शकणार आहात.
मिथुन : मानसिक अस्वस्थतेमुळे आज आपले कामामध्ये लक्ष लागणार नाही. प्रवास शक्यतो आज नकोत. आज आपल्याला काही अनावश्यक खर्च करावे लागणार आहेत. काहींना आरोग्याच्या तक्रारी राहतील.
कर्क : काहीजण आज जुन्या आठवणींमध्ये रमणार आहेत. जुने मित्रमैत्रिणी भेर्टतील.आजचा आपला दिवस आनंदात जाईल. प्रवास सुखकर होणार आहेत. मानसिक स्वास्थ्य लाभेल. आर्थिक लाभ होतील.
सिंह : तुमचा सर्वत्र प्रभाव असणार आहे. आजचा दिवस आपणाला अनेक दृष्टीने अनुकूल असणार आहे. आपले आरोग्य उत्तम राहिल. तुम्ही आपली मते इतरांवर लादण्याचा प्रयत्न कराल.
कन्या : आज आपले मनोबल वाढणार आहे. काहींना आज भाग्यकारक अनुभव येतील. तुमचे कार्यक्षेत्र वाढविण्यासाठी आज आपण विशेष प्रयत्नशील रहाल. काहींना अनपेक्षितपणे प्रवास करावा लागण्याची शक्यता आहे.
तुळ : आपल्याला आज कसलेतरी मानसिक दडपण राहण्याची शक्यता आहे. कोणत्याही गोष्टीचा ताण घेऊ नये. कामाचा ताण व दगदग राहील. आज आपण कोणतेही महत्त्वाचे निर्णय घेऊ नयेत.
वृश्चिक : आपले आरोग्य सुधारणार आहे. मन आनंदी राहील. उत्साहाने व नवीन उमेदीने आज आपण कामाला लागणार आहात. मानसिक ताकद उत्तम राहील. प्रवसाकरिता आजचा दिवस आपणाला अनुकूल आहे.
धनु : काहींचा आज आराम करण्याकडे तर काहींचा मनोरंजनाकडे कल असणार आहे. विनाकारण अनावश्यक खर्च वाढणार आहेत. प्रवासात व वाहने चालविताना आज आपण विशेष काळजी व दक्षता घ्यावी.
मकर : आज आपण आपल्या प्रिय व्यक्तीसाठी आपला वेळ राखून ठेवणार आहात. काहींना विविध लाभ होणार आहेत. आर्थिक कामात आपल्याला अनुकूलता लाभणार आहे. मानसिक स्वास्थ्य लाभेल.
कुंभ : तुम्ही आज विशेष आनंदी व आशावादी असणार आहात. मनोबल व आत्मविश्वास वाढविणारी एखादी घटना घडेल. तुमच्या विचारांचा इतरांवर प्रभाव राहील. प्रवास सुखकर होणार आहेत.
मीन : तुम्ही आपले कार्यक्षेत्र वाढविणार आहात. नवी दिशा सापडेल. आपल्याला हवी असणारी सुसंधी लाभणार आहे. प्रसिद्धी मिळेल. काहींना गुरुकृपा लाभणार आहे. तुमचा आत्मविश्वास आज विशेष राहील.
आज गुरुवार, आज दुपारी १.३० ते ३ या वेळेत राहु काल आहे. या काळात प्रवास, प्रयाण, नविन व्यवहार, सरकारी कामे, महत्त्वाच्या गाठीभेटी इ. कामे वर्ज्य करावीत.
जन्मपत्रिकेवरुन वैयक्तिक मार्गदर्शन, विवाह गुणमेलन, भाग्यकारक रत्ने याकरिता संपर्क साधा- गार्गी ज्योतिषालय, संभाजीनगर, सातारा- ९८२२३०३०५४