लोकल ट्रेनचे डबे वाढवण्याची मागणी

मुंबईच्या लोकल ट्रेनचे डबे वाढवा

खा.मेधा कुलकर्णी

पुणे – प्रवाशांची सुरक्षितता लक्षात घेऊन मुंबई उपनगरीय रेल्वे (लोकल ट्रेन) चे डबे वाढवावेत, अशी मागणी खा.मेधा कुलकर्णी यांनी नवी दिल्ली येथे मंगळवारी राज्यसभेत बोलताना केली.

राज्य सभेत बोलताना मेधा कुलकर्णी म्हणाल्या की, मुंबई लोकलने दररोज अंदाजे साडेसात लाख लोक प्रवास करतात आणि गर्दीच्या वेळी या ट्रेनमध्ये क्षमतेपेक्षा ३०० टक्के जास्त प्रवासी प्रवास करतात, यामुळे प्रवाशांचा जीव धोक्यात येतो. याकरिता ट्रेनच्या डब्यांची संख्या १२ वरून १५ पर्यंत वाढवून त्यांचे आधुनिकीकरण करावे तसेच गाड्यांची वारंवारता ३ ते ५ मिनिटांवरून २ ते ३ मिनिटांपर्यंत वाढवावी, यासाठी आवश्यक संसाधने आणि निधी तातडीने उपलब्ध करून द्यावा, अशी सूचना मेधा कुलकर्णी यांनी रेल्वे मंत्रालयाला केली.