मासिक राशिभविष्य

ऑक्टोबर २०२४ मासिक राशिभविष्य

मेष : महिन्याच्या उत्तरार्धात सौख्य लाभेल.

आगामी ऑक्टोबर महिन्यात आपल्या राशीपत्रिकेत शनी अकराव्या स्थानी गुरु दुसऱ्या स्थानी, राहू बाराव्या स्थानी, केतू सहाव्या स्थानी, मंगळ तिसऱ्या व चौथ्या स्थानी, रवी व बुध सहाव्या व सातव्या स्थानी, शुक्र सातव्या व आठव्या स्थानी याप्रमाणे ग्रहस्थिती आहे. आगामी महिन्यात आपले आरोग्य उत्तम असणार आहे. आपले मनोबल व आत्मविश्वास चांगला असणार आहे. आपल्या कार्यक्षेत्रात आपण अधिक उत्साहाने व अधिक प्रभावीपणाने कार्यरत असणार आहात. आगामी महिना आपल्याला स्वास्थ्याच्यादृष्टीने अनुकूल असणार आहे. आगामी महिन्यात आपल्याला जाणवत असणाऱ्या आरोग्याच्या तक्रारी कमी होणार आहेत. आपण आपल्या मनोबलाच्या जोरावर येणाऱ्या अडचणींवर मात करणार आहात. आगामी महिन्याचा उत्तरार्ध हा आपल्याला विशेष सौख्यकारक असणार आहे. महिन्याच्या पूर्वार्धात आपली रखडलेली कामे आपण मार्गी लावू शकणार आहात. आगामी महिन्याच्या उत्तरार्धात चतुर्थ स्थानी असणारा मंगळ आपल्याला स्वास्थ्य देईल. प्रॉपर्टी, जागा जमिनी यासंदर्भात असणारी आपली कामे आपण मार्गी लावू शकणार आहात. महिन्याच्या पूर्वार्धात प्रवास शक्यतो टाळावेत. महिन्याचा उत्तरार्ध हा आपणाला प्रवसाकरिता अनुकूल असणार आहे. आगामी महिन्याच्या शेवटी काहींना अचानक धनलाभ संभवतो. आर्थिक कामात आपल्याला सुयश लाभेल.
अनु. दि. ४,५,६,९,१०,११,१२,१३,१४,१८,१९,२०,२१,२२,२३,२४,२५,२६,२७,२८

वृषभ : खर्च वाढतील.

आगामी ऑक्टोबर महिन्यात आपल्या राशीपत्रिकेत शनी दहाव्या स्थानी, गुरु पहिल्या स्थानी, राहू अकराव्या स्थानी, केतू पाचव्या स्थानी, मंगळ दुसऱ्या व तिसऱ्या स्थानी, रवी व बुध पाचव्या व सहाव्या स्थानी, शुक्र सहाव्या व सातव्या स्थानी याप्रमाणे ग्रहस्थिती आहे. आगामी महिन्यात आपल्याला आपल्या आरोग्याची विशेष काळजी घ्यावी लागणार आहे. आपल्याला जाणवत असणाऱ्या आरोग्याच्या किरकोळ तक्रारींकडेही आपल्याला दुर्लक्ष करता येणार नाही. आपले मनोबल कमी राहण्याची शक्यता आहे. आपल्याला आत्मविश्वासाचा अभाव जाणवेल. महिन्याच्या पूर्वावर्धात आपल्याला शासकीय कामात सुयश लाभेल. आपल्याला आपल्या वडीलधाऱ्या व्यक्तींचे अपेक्षित सहकार्य लाभेल. आपल्याला उचित मार्गदर्शन लाभेल. आपले व्यवसायिक व बौद्धिक अंदाज अचूक ठरतील.महत्त्वाचे निर्णय आपण महिन्याच्या पूर्वावर्धात घेऊ शकणार आहात. महिन्याच्या उत्तरार्धात आपल्याला काही अनावश्यक खर्च संभवतात. महिन्याच्या उत्तरार्धात आपल्या आरोग्याच्या तक्रारी कमी होणार आहेत. काहीप्रमाणात आपल्याला स्वास्थ्य व समाधान देणारा महिन्याचा उत्तरार्ध असणार आहे. महिन्याच्या उत्तरार्धात विवाह जमतील. वैवाहिक जीवनात सुसंवाद राहील. नवीन परिचय होतील. तसेच आपले काही नवीन स्नेहसंबंध जुळून येतील. आगामी महिन्यात आपण दूरवरचे प्रवास करताना व वाहने चालविताना काळजी घ्यावी. कोणत्याहीप्रकारचा अतिउत्साहीपणा तसेच अतिधाडसीपणा करण्याचा टाळावा.

अनु. दि. २,३,७,८,१२,१३,१४,१५,१६,१७,२०,२१,२२,२३,२४,२५,२६,२७,२८,२९,३०

मिथुन : जिद्दी रहाल.

आगामी ऑक्टोबर महिन्यात आपल्या राशीपत्रिकेत शनी नवव्या स्थानी, गुरु बाराव्या स्थानी, राहू दहाव्या स्थानी, केतू चौथ्या स्थानी, मंगळ पहिल्या व दुसऱ्या स्थानी, रवी व बुध चौथ्या व पाचव्या स्थानी, शुक्र पाचव्या व सहाव्या स्थानी याप्रमाणे ग्रहस्थिती आहे. आगामी महिन्यात आपण विशेष जिद्दी असणार आहात. महिन्याच्या पूर्वार्धात तुमच्या राशीत असणारा मंगळ तुम्हाला अनेकदृष्टीने धाडसी ठेवणार आहे. तमच्यामध्ये नवीन काहीतरी करण्याची उर्मी निर्माण होईल. तुमच्यावर मानसिक ताण असला तरी तुमची उमेद कायम ठेवून तुम्ही तुमची कामे योग्यरितीने पार पाडू शकणार आहात. त्याचबरोबर मात्र आगामी महिन्यात तुमची भूमिका हटवादी राहण्याची शक्यता आहे. काही बाबतीत तुम्ही आपल्या मतांवर ठाम असणार आहात व त्यामुळे काहीवेळा तुमचे इतरांशी मतभेद होण्याची शक्यता आहे. वैवाहिक जीवनात मतभेद राहतील. आगामी महिन्यात आपल्याला प्रॉपर्टी, नवीन जागा, व्यवसायासाठी जागा या दृष्टीने काही नवीन पर्याय उपलब्ध होणार आहेत. महिन्याचा पूर्वार्ध त्याकरिता आपल्याला अनुकूल असणार आहे. आगामी महिन्यात आपले आरोग्य सामान्यतः उत्तम राहील., मात्र काहींना उष्णतेच्या विकारांचा सामना करावा लागण्याची शक्यता आहे. महिन्याच्या उत्तरार्धात काहीबाबतीत तुमचा बौद्धिक संभ्रम होण्याची शक्यता आहे. तुमचे काही निर्णय चुकण्याची शक्यता आहे. महिन्याच्या उत्तरार्धात आपल्याला आपल्या मुलामुलींची विशेष काळजी घ्यावी लागेल. महिन्याचा उत्तरार्ध आपल्याला आर्थिक बाबतीत अनुकूल राहील.

अनु. दि. २,३,४,५,६,९,१०,१४,१५,१६,१७,१८,१९,२२,२३,२४,२५,२६,२७,२८,२९,३०,३१