सातारा क्राईम न्यूज

अल्पवयीन मुलीचे अपहरण
सातारा : अल्पवयीन मुलीचे अपहरण केल्याप्रकरणी अज्ञाताविरोधात शाहूपुरी पोलीस ठाण्यात गुन्हा दाखल करण्यात आला आहे.
याबाबत पोलिसांनी दिलेली माहिती अशी, दि. 31 रोजी संध्याकाळी सात वाजण्याच्या सुमारास सातारा शहर परिसरात राहणाऱ्या अल्पवयीन मुलीचे अज्ञाताने अपहरण केल्याची फिर्याद शाहूपुरी पोलीस ठाण्यात दाखल करण्यात आली आहे. अधिक तपास पोलीस उपनिरीक्षक मोहोड करीत आहेत.

वृद्धेस मारहाण केल्याप्रकरणी चार जणांवर गुन्हा
सातारा : वृद्धेस मारहाण केल्याप्रकरणी चार जणांविरोधात सातारा शहर पोलीस ठाण्यात गुन्हा दाखल करण्यात आला आहे.
याबाबत पोलिसांनी दिलेली माहिती अशी, दि. एक रोजी दुपारी चार वाजण्याच्या सुमारास कमल प्रतापराव कदम रा. रविवार पेठ, सातारा यांच्या घरात बळजबरीने घुसून त्यांना मारहाण केल्याप्रकरणी रघुनाथ भगवंतराव कदम, सागर रघुनाथ कदम, सोनाली सागर कदम, मंगल भगवंत कदम सर्व रा. नांदगाव, ता. सातारा यांच्या विरोधात सातारा शहर पोलीस ठाण्यात गुन्हा दाखल करण्यात आला आहे. अधिक तपास पोलीस हवालदार पाटोळे करीत आहेत.

***4

प्रतापसिंह नगरातील दोन जुगार अड्ड्यांवर छापे
सातारा : सातारा शहर पोलिसांनी प्रतापसिंह नगरातील दोन जुगार अड्ड्यांवर छापे मारून दोन जणांवर कारवाई केली आहे.
याबाबत पोलिसांनी दिलेली माहिती अशी, दिनांक एक रोजी सातारा शहरातील प्रतापसिंह नगर येथील प्राजक्ता जनरल स्टोअर्स च्या समोर असणाऱ्या पत्र्याच्या आडोशाला जुगार घेताना तेथीलच जीवन महादेव गायकवाड आढळून आला. त्याच्याकडून 710 रोख व जुगाराचे साहित्य हस्तगत करण्यात आले आहे.
दुसऱ्या घटनेत गवारे गल्ली लिंबाच्या झाडाखाली असलेल्या पत्र्याच्या शेडच्या आडोशाला प्रदीप राजेंद्र साळवे रा. प्रतापसिंह नगर, सातारा हा जुगार घेताना आढळून आला. त्याच्याकडून 650 रुपये रोख व दुकानाचे साहित्य हस्तगत करण्यात आले आहे.