राशिफल

आजचा दिवस

शके १९४६, क्रोधीनाम संवत्सर, माघ शुक्ल दशमी, शुक्रवार, दि. ७ फेब्रुवारी २०२५, चंद्र – वृषभ राशीत, नक्षत्र – रोहिणी, सुर्योदय- सकाळी ०७ वा. १२ मि. , सुर्यास्त- सायं. १८ वा. ३४ मि.

नमस्कार आज चंद्र वृषभ राशीत रहाणार आहे. आज दिवस दु. ४ पर्यंत चांगला आहे. आज रवि – चंद्र त्रिकोणयोग, रवि – मंगळ षडाष्टकयोग, चंद्र – बुध त्रिकोणयोग, चंद्र – गुरु युतियोग व चंद्र – शनि केंद्रयोग होत आहे. आजचा दिवस मेष, वृषभ, कर्क, सिंह, कन्या, वृश्चिक,मकर, कुंभ व मीन या राशींना अनुकूल तर मिथुन, तुला व धनु या राशींना प्रतिकूल जाईल.

दैनंदिन राशिभविष्य

मेष : कौटुंबिक जीवनात स्वास्थ्य व समाधान लाभेल. मानसिक प्रसन्नता लाभेल. आज व्यवसायातील आर्थिक कामे विनासायास पार पडतील. जुनी येणी वसूल होतील. काहींना अचानक धनलाभ संभवतो.

वृषभ : आज आपल्याला अनेक बाबतीत अनुकूलता लाभेल. उत्साही रहाल. उमेद वाढेल. काहीजण आपली मते इतरांवर लादण्याचा प्रयत्न करतील. वैवाहिक जीवनात सुसंवाद ठेवावा.

मिथुन : मानसिक दुर्लबता जाणवेल. काहींना नैराश्य येईल. दैनंदिन कामे रखडण्याची शक्यता आहे. आरोग्याच्या तक्रारी जाणवतील. वाहने जपून चालवावीत. खर्च वाढतील.

कर्क : प्रियजन भेटल्याने आज आपल्याला विशेष आनंद होईल. आर्थिक कामात सुयश लाभेल. तुमचे व्यावसायिक अंदाज अचुक ठरणार आहेत. मनोबल उत्तम राहील.

सिंह : सार्वजनिक व सामाजिक कार्यात तुमचा विशेष सहभाग राहील. आरोग्य उत्तम राहील. तुमच्या विचारांचा प्रभाव राहील. दैनंदिन कामात सुयश लाभेल. उत्साही रहाल. प्रवासाकरिता अनुकूलता लाभेल.

कन्या : मानसिक उन्नती होईल. तुमच्या कामाचे तुम्हाला समाधान लाभेल तसेच तुमच्या कार्यक्षेत्रात तुम्हाला अपेक्षित असणारी सुसंधी व प्रसिद्धी लाभेल. मनोबल उत्तम राहील.

तुळ : काहींना आरोग्याच्या किरकोळ तक्रारी राहतील. आत्मविश्वासाचा अभाव जाणवेल. आज आपण कोणत्याही वादविवादात अडकू नये. वाहने सावकाश व लक्षपूर्वक चालवावीत.

वृश्चिक : आरोग्य उत्तम राहील. आज आपल्याला विशेष आनंदी व प्रसन्न वाटेल. वैवाहिक जीवनात सुसंवाद राहील. मनोबल व आत्मविश्वास वाढविणारी घटना घडेल. प्रवास सुखकर होतील.

धनु : प्रतिकुलता जाणवणार आहे. मानसिकता सकारात्मक ठेवावी. शांत व संयमी राहण्याचा प्रयत्न करावा. वादविवादात सहभाग टाळावा. आज आपण कोणत्याही बेकायदेशीर गोष्टींपासून सावध रहावे.

मकर : प्रवास सुखकर होतील. मानसिक ताकद वाढेल. चिकाटीने कार्यरत राहून हाती घेतलेल्या कामात सुयश मिळणार आहात. तुमच्या व्यक्तिमत्त्वाचा प्रभाव राहील. तुमचे कार्यक्षेत्र वाढेल.

कुंभ : मानसिक प्रसन्नता लाभेल. आनंदी व आशावादीपणाने कार्यरत राहून अनेक कामात सुयश मिळवाल. आरोग्य उत्तम राहील. तुमचा इतरांवर प्रभाव राहील. मानसन्मान लाभेल.

मीन : नातेवाईकांच्या सहकार्याने आज तुम्ही एखादी समस्यां सोडवू शकणार आहात. काहींना आज अनपेक्षित प्रवास करावा लागेल. मनोबल उत्तम राहील. तुमचे कार्यक्षेत्र वाढणार आहे.

आज शुक्रवार, आज सकाळी १०.३० ते १२ यावेळेत राहु काल आहे. या काळात प्रवास, प्रयाण, नविन व्यवहार, सरकारी कामे, महत्त्वाच्या गाठीभेटी इ. कामे वर्ज्य करावीत.

जन्मपत्रिकेवरुन वैयक्तिक मार्गदर्शन, विवाह गुणमेलन, भाग्यकारक रत्ने याकरिता संपर्क साधा- गार्गी ज्योतिषालय, संभाजीनगर, सातारा- 9822303054