राशिफल

आजचा दिवस

शके १९४६, क्रोधीनाम संवत्सर, माघ पौर्णिमा, बुधवार, दि. १२फेब्रुवारी २०२५, चंद्र – कर्क राशीत सायं. ७ वा. ३६ मि. पर्यंत नंतर सिंह राशीत , नक्षत्र – आश्लेषा, सुर्योदय- सकाळी ०७ वा. १० मि. , सुर्यास्त- सायं. १८ वा. ३६ मि.

नमस्कार आज चंद्र कर्क राशीत सायं. ७ वा. ३६ मि. पर्यंत रहात असून नंतर तो सिंह राशीत रहाणार आहे. आजचा दिवस चांगला दिवस आहे. आज चंद्र – बुध व रवि – चंद्र प्रतियोग होत आहे. आजचा दिवस मेष, वृषभ, मिथुन, कर्क, कन्या, तुला, वृश्चिक, मकर व मीन या राशींना अनुकूल तर सिंह, धनु व कुंभ या राशींना प्रतिकूल जाईल.

दैनंदिन राशिभविष्य

मेष : आज आपल्याला विशेष अनुकूलता लाभणार आहे. आपली सर्व कामे आज विनासायास पूर्ण होणार आहेत. सौख्य व समाधान लाभेल. प्रवासाचे योग येणार आहेत. तुमचा प्रभाव राहील.

वृषभ : जिद्दीने व चिकाटीने कार्यरत रहाणार आहात. नातेवाईकांच्या गाठीभेटी पडतील. आरोग्य उत्तम राहील. मनोबल व आत्मविश्वास वाढविणारी एखादी घटना घडेल. प्रवास सुखकर होणार आहेत.

मिथुन : कुटुंबातील सदस्यांमध्ये सुसंवाद राहील. आपले आरोग्य उत्तम राहील. काहींना एखादी गुप्तवार्ता समजेल. मानसिक स्वास्थ्य उत्तम राहील. तुम्हाला मानसिक प्रसन्नता देणारी एखादी घटना घडेल.

कर्क : तुमचा इतरांवर प्रभाव असणार आहे. आज आपण इतरांना मदत करण्यासाठी तत्पर असणार आहात. मनोबल उत्तम असणार आहे. आपली मते इतरांना पटवून द्याल. मानसिक प्रसन्नता लाभेल

सिंह : अनावश्यक कामात आज आपला वेळ जाणार आहे. मनोबल कमी असणार आहे. काहींची एखाद्या बाबतीत चिडचिड होणार आहे. आर्थिक बाबतीत काळजी घ्यावी. काहींचा धार्मिक कार्यात सहभाग वाढेल.

कन्या : प्रियजन भेटणार आहेत. तुमचे मन आनंदी राहील. प्रवास सुखकर होणार आहेत. व्यवसायात आर्थिक लाभ होतील. तुमचे आर्थिक अंदाज अचूक ठरणार आहेत. मनोबल उत्तम राहील.

तुला : प्रवास सुखकर होणार आहेत. तुमच्या आरोग्याच्या तक्रारी कमी होतील. सार्वजनिक व सामाजिक कार्यात तुमचा विशेष सहभाग राहील. वैवाहिक जीवनात सुसंवाद राहील. अनेक बाबतीत अनुकूलता लाभेल

वृश्चिक : जिद्दीने कार्यरत रहाल. नवीन वाढीव कामे करणार आहात. नातेवाईकांचे सहकार्य लाभेल. तुम्ही आपले मनोबल सिद्ध करणार आहात. आरोग्याच्या तक्रारी कमी होणार आहेत. प्रवास सुखकर होतील.

धनु : मानसिक स्वास्थ्य लाभणार नाही. अनावश्यक चिडचिड टाळावी. मनोबल कमी असणार आहे. काहींवर अनावश्यक मानसिक ताण तणाव राहणार आहेत. प्रवास काळजीपूर्वक करावेत

मकर : आरोग्य उत्तम राहील. तुमच्यावर असणारा ताण कमी होणार आहे. आनंदी रहाल. चिंता कमी होतील. वैवाहिक जीवनात सुसंवाद राहील. मनोबल वाढणार आहे. अनेकांशी सुसंवाद साधणार आहात.

कुंभ : मनोबल व आत्मविश्वास कमी राहील. आज आपले मनोरंजन व करमणूकीकडे विशेष लक्ष असणार आहे. काहींचा दिवस आरामात जाईल. प्रवासात व वाहने चालविताना काळजी घ्यावी.

मीन: आपल्या कुटुंबासाठी व आपल्या प्रिय व्यक्तीसाठी वेळ देणार आहात. अनेकांशी सुसंवाद साधाल. मनोबल व आत्मविश्वास उत्तम राहील. आज काहींना अचानक धनलाभ संभवतो. विविध लाभ होतील.

आज बुधवार, आज दुपारी १२ ते १.३० यावेळेत राहु काल आहे. या काळात प्रवास, प्रयाण, नविन व्यवहार, सरकारी कामे, महत्त्वाच्या गाठीभेटी इ. कामे वर्ज्य करावीत.

जन्मपत्रिकेवरुन वैयक्तिक मार्गदर्शन, विवाह गुणमेलन, भाग्यकारक रत्ने याकरिता संपर्क साधा- गार्गी ज्योतिषालय, संभाजीनगर, सातारा- 9822303054