राशीभविष्य

आजचा दिवस

शके १९४६, क्रोधीनाम संवत्सर, माघ कृष्ण अष्टमी, कालाष्टमी, गुरुवार, दि. २० फेब्रुवारी २०२५, चंद्र – वृश्चिक राशीत, नक्षत्र – विशाखा दु. १ वा. ३० मि. पर्यंत नंतर अनुराधा, सुर्योदय- सकाळी ०७ वा. ०५ मि. , सुर्यास्त- सायं. १८ वा. ४० मि.

नमस्कार आज चंद्र वृश्चिक राशीत रहाणार आहे. आजचा दिवस दु. १ नंतर चांगला आहे. आज रवि – चंद्र केंद्रयोग व बुध – गुरु केंद्रयोग होत आहे. आजचा दिवस वृषभ,कर्क, सिंह, कन्या, तुला, वृश्चिक, मकर, कुंभ व मीन या राशींना अनुकूल तर मेष, मिथुन व धनु या राशींना प्रतिकूल जाईल.

दैनंदिन राशिभविष्य

मेष : आज तुम्हाला आरोग्याच्या तक्रारी जाणवणार आहेत. मनोबल कमी राहील. मानसिक अस्वस्थता देणारी एखादी घटना संभवते. प्रवास शक्यतो टाळावेत. वादविवाद नकोत.

वृषभ : उत्साहाने कार्यरत राहणार आहात. उमेद वाढेल. प्रवासाचे योग येतील. आनंदी राहणार आहात. तुम्ही आपली मते इतरांवर लादण्याचा प्रयत्न कराल. अनुकूलता लाभेल.

मिथुन : कर्मचारी वर्गाचे अपेक्षित सहकार्य लाभेल. विरोधकांवर व हितशत्रुंवर मात कराल. काहींची आध्यात्मिक प्रगती होईल. अनावश्यक कामात वेळ वाया जाण्याची शक्यता आहे.

कर्क : प्रियजन भेटणार आहेत. तुमचा बौद्धिक प्रभाव राहील. अपेक्षित गाठीभेटी घेण्यास आजचा दिवस विशेष अनुकूल आहे. अनेकांचे सहकार्य लाभेल. नोकरी, व्यवसायात उत्तम स्थिती राहील.

सिंह : मनोबल व आत्मविश्‍वास वाढणार आहे. मानसिक प्रसन्नता लाभेल. आशावादीपणे कार्यरत रहाल. आनंददायी घटना घडेल. सार्वजनिक क्षेत्रात तुमचा प्रभाव असणार आहे.

कन्या : अपूर्व मनोबलाच्या जोरावर कार्यरत राहणार आहात. अपेक्षित गाठीभेटी पडतील. तुमचे कार्यक्षेत्र वाढेल. नातेवाईक व भावंडं यांच्या सहकार्याने एखादी समस्या सोडवाल. प्रवासास अनुकूलता लाभणार आहे.

तुला : कौटुंबिक जीवनात स्वास्थ्य लाभणार आहे. आर्थिक कामे पूर्ण करण्यासाठी अनुकूलता लाभेल. व्यवसायातील उधारी, उसनवारी वसूल होईल. प्रवास होतील.

वृश्चिक : अनेकांशी सुसंवाद साधाल. आपली मते स्पष्टपणे मांडू शकाल. महत्त्वाच्या कामात सुयश लाभणार आहे. आजचा दिवस आपणाला अनेक दृष्टीने अनुकूल आहे.

धनु : काहींची आध्यात्मिक प्रगती होईल. धार्मिक कार्यात सहभाग वाढेल. दानधर्म कराल. काहींचा मात्र मनोरंजन व करमणुकीकडे कल राहणार आहे. दैनंदिन कामात अडचणी येतील.

मकर : जुने मित्रमैत्रिणी व सहकारी भेटतील. अपेक्षित गाठीभेटी पडतील. अनेकांचे सहकार्य लाभेल. प्रियजनांबरोबर सुसंवाद राहील. आर्थिक कामास अनुकूलता लाभेल.

कुंभ : नोकरी, व्यवसायात उत्तम स्थिती राहणार आहे. प्रवासात अनुकूलता लाभेल. आनंदी राहाल. मनोबल व आत्मविश्‍वास उत्तम असणार आहे. अधिकाराने वागाल.

मीन : एखादी भाग्यकारक घटना घडणार आहे. वरिष्ठांचे अपेक्षित मार्गदर्शन लाभेल. तुमचे कार्यक्षेत्र वाढणार आहे. नातेवाईकांकडे असणारी कामे पूर्ण होणार आहेत.

आज गुरुवार, आज दुपारी १.३० ते ३ यावेळेत राहु काल आहे. या काळात प्रवास, प्रयाण, नविन व्यवहार, सरकारी कामे, महत्त्वाच्या गाठीभेटी इ. कामे वर्ज्य करावीत.

जन्मपत्रिकेवरुन वैयक्तिक मार्गदर्शन, विवाह गुणमेलन, भाग्यकारक रत्ने याकरिता संपर्क साधा- गार्गी ज्योतिषालय, संभाजीनगर, सातारा- 9822303054